9. Novembari 2017

Unamminermi maleruaqqusat

  1. Ilinniartoq ilinniarnerminut isumaqatigiissuteqarsimassooq.
  2. Ulloq siulleq.
    Allakkersorluni igasutut igasunullu atuakkiaq toqqammavigalugit misilittinneqassaaq. Apeqqutit tassani pineqartut unamminerup 15%-anik naleqartinneqassapput. Tamatumani nerisassiassat marluk inunnut 6-nut naammattut allakkatigut piareersaasiorneqassapput, tamatumanilu tunisassiatut atorneqartussatut allattorneqarsimasut ullormi tulliuttumi utertinneqartussami toqqammavigineqassallutik. Tunisassiat tunniunneqartut makkuussapput: Kingusinnerusukkut kingusinnerpaamillu unammersuaarnissaq qaammatinik 3-nik sioqqullugu takuneqarsinnaasaaq.  Qanoq sallaassissutigineqassanersut siumut ilisimaneqassanngilaq, tamannami aatsaat allattariarsorluni misilittereernermi saqqummiunneqassammat.
  1. Inuit arfineq pingasut naggataarutaasumik pissartanngorniutsinneqassapput. Taakkunannga amerlanerusut peqataarusussimassappata final-imut anngunniuttitsoqassaaq.
  2. Ullup aappaa.
    Nal.ak. 4-t ingerlaneranni nerisassiat marluk ilitsersuussiarineqarsimasut toqqammavigalugit sananeqassapput, tamatumanilu iganermi sanaassatut allattorneqarsimasut aammalu ataatsimoortillugit agguaaneqartussat tunniunneqassallutik. Nerisassiat inunnut 6-nut sananeqassapput, ataaseq qimerluugassatut, pingasut nalilersuinermi atugassatut aammalu marluk immikkut qaaqqusanut sallaassiissutigineqassallutik. 
  3. Pissartanngorniuunnermi peqataasut ataasiakkaarlutik nerisassiussapput (atortussanik, saliisussanik erruisussanillu immikkut ikiorsiisussanik toqqaasoqarumaarpoq).
  4. Unameqataasut atortussatik kisiat nassarsinnaavaat (sukkut, kiassutsinut uuttuutit, chiffon-inut puiaasaq, allequtaq silikoni, ”mandolinjern”, sequtserut microplan, pincettit, saviit igallu, siatsiviit, ilusilersuiffiit, aalaterutit amitsukujuit, ”blenderi”). Nerinermi akuutissat suulluunniit allat, kusassaatit, saallaaserfiit allallu piareersareersimasat nassaqqusaanngillat. Tamakku pillugit nakkutilliisoqarumaarpoq.
  5. Nerisassiat tamarmik ilinniarfimmi atortut atorlugit sallaassissutigineqassapput.
  6. Naliliiffigineqartussat: Tamatigoornerusumik nerisassiap pissusaa * Ataqatigiinnera sananeqataalu * Mamassusaa * Nutaaliugaanera/isumassarsiorsimaneq * Tunisassiap atorluarneqarnera * Sulirineqarnera (eqqiluisaarneq iggavimmillu atorluaaneq).
  7. Tunniussinissamut killigititaq 1 minutsimik qaangeraani tamatigut 1 point-imik ilanngaassisoqartassaaq.
  8. Peqataasussat tamarmik periarfissinneqassapput aqaguani unamminermi suliffigisassartik pillugu nal. 22.00 nallertinnagu misissuisinneqarnissamut.
  9. Peqataasussat tulleriiaarneqarnisssaat sumilu inissinneqarnissaat ulloq sioqqullugu misilitsinneqarnermut atatillugu makitsisoqarumaarpoq.
  10. Dommer-eqatigiit akornanni sulisuusut – aammalu peqataasut dommereqatigiinni ilaqutaqartut peqataasinnaapput. Taamaattorli ilaqutaasoq pineqartup nerisassiaannik nalilersueqataasinnaassanngilaq.
  11. Aaqqissuussisut pisinnaatitaapput suliarineqarsimasut avammut suaarutigissallugit, assilisat ilitsersuutillu atussallugit.

Allakkatigut uunnga makku immersoriarlugit nalunaartoqarsinnaavoq: rkl@inuili.com.

  • Ateq
  • E-mail
  • Najugaqarfigisaq
  • Ill.nr.
  • Illoqarfik
  • Suliffigisaq
  • Mobili
  • Suliff.oqarasuaat


Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.