Siunertarivarput:

  • Nerisassiornermik ingerlataqartut isiginiarneqarnerulernissaat
  • Nerisassiornerup nerisassianillu tunisassiornerup iluani periarfissarpassuarnut eqqumaarinninnerulernissaq
  • Nunatsinni innuttaasut angerlarsimaffimminni, nunap immikkoortuini, nunatsinni sumiluunniit nunallu assigiinngitut akornanni kalaallit nerisassiortariaasiisa isiginiarneqarnerulernissaat
  • Inuussutissarsiorneq nunap immikkoortuini, tunisassiorfitsigut atugaqarnikkullu ineriartortitsiffigissallugu
  • Kalaallit nerisassiaasa ineriartortinneqarnissaat
  • Akunnittarfinni neriniartarfinnilu ineriartortitsinissaq
  • Mamassuseq, peqqinnassuseq nungusaataanngitsumillu atuineq siammarsassallugu.

Nunatsinni pissartanngorniuunnerit qulakkiissavaat nunatsinni peqqissuunissamik, misigisaqarfiusumik aammalu nungusaataanngitsumillu atuisarnerup igasarnikkut aqqutissiuussisoqarnissaa. Piginnaanilinnik qaffassaarinnissalluni, ineriartortitsissalluni maani nunatsinni nunanilumi aamma allani.

Nunatsinni pissartanngorniuuttarnerit patajaallisaavigineqassapput aammalu nunani avannarlerni nerisassiortariaatsit ineriartornerini ileqqullu nutaat takkussuunerini sunniuteqaqataassalluni. Nunatsinni igasarnikkut periutsit ileqqutoqqallu nalinginnaasunngortitseqeqataaffigissallugit maani nunatsinni nunanilu allani.

Nunatsinni igasarnikkut pissartanngorniuunnerit aqqutigalugit nunatsinni igasarnerup isiginiarneqarnera qaffassaavigineqassaaq, oqallisigineqassaaq aammalu mamassutsip suuneranik, peqqinnassusaanik, nungusaataanngitsumik ingerlatsiviuneranik nerisassianillu tunisassiortarnerni qaffassaaqataassalluni.  

Nunani assigiinngitsuni takornariaqarneq annertusiartuinnarpoq, ineriartornerlu sukkasuumik qaffakkiartorluni. Nunatsinni iganikkut pissartanngorniuunnerit aqqutigalugit nunatsinni akunnittarfinni neriniartarfinnilu inuussutissarsiutigineqarneq qaffassaavigissavaa. Tamatuma aamma nassatarissallugu takornariaqarnerup ineriartortitsiviujuarnissaata aqutissiuuneqarnissaa.

Inussiarnersumik inuulluaqqusillunga


Rasmus Klitgaard
Atuarfimmi pisortaq/Skoleinspektør/Schoolmaster
INUILI - Inuussutissalerinermik Ilinniarfik - Food College Greenland

Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.