Ilinniarnermi aqqutisiuusineq.

Inuilimi ilinniarnermi aqqutisiuusisumik atorfinitsitaqarpugut.

Aqqutissiuisutut atukkavut aamma ilinniartitsisutut atorfeqarmata saniatigullu angalaqatigiikkajuttarlutik aalajangersimasumik nalunaaquttap akunneranut naapittarfeqartinneqanngillat.

Uagut tungitsinniilli assut ilungersuutigaarput aqqutissiuussisartut allanik suliaqartillugit sapinngisamik ataaseq allaffimmiittuaannarnissaa/atuarfimmiittuaannarnissaa.

Ilinniartuunerup ilaani ajornartorsiutinik puttuttoqartarpoq ilinniarnermut privat-mulluunniit tunngassuteqartunik, ilinniarfimmili immikkut siunnersuisartugut pisariaqartitannik sakkussaqarluarput, illit ikiorsinnaajumallutit.

Illit illoqarfigisanniitillutit nalornissuteqaleruit imaluunniit apeqqutissaqaleruit tikilluaqquneqarputit ilinniarfiup aqqutissiusartui oqarasuaatikkut mail-kkulluunniit attaviginissaannut.

Aatsaat ilinniagaqarnissannik toqqaanialerpit, taavalu soqutigalugu inuussutissalerinerup iluani ilinniagaqassallutit. Taava aalajangerpallaannginninni tikilluaqquneqarputit ilinniarfimmi aqqutissiuisoq attavigeqqaassallugu.

Aqqutissiuisup toqqaassussinnaanngilaatit sumut imaluunniit sumi ilinnialernissannik, kisiannili inuussutissalerinerup tungaatigut ilinniagaqalernissannik piviusorpalaartumik aqqutissiuisinnaalluarumaarpaatit.

Inuussutissalerinerup tungaatigut ilinniagaqalernissannik 100 procent-mik piareersimaniassagavit inuili-mi aqqutissiuisup oqarasuaatikkut mail-kkulluunniit attavigiuk.


Aqqutissiuisoq:

Susanne G. Lynge
Email: sg@inuili.com
Tlf: (+299) 66 40 21

Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.