• Kammalaatinut ineqartunut sulisunulluunniit sakkortusaarniakujunneq/sakkortusaarneq piaartumik anisitaanermik kinguneqartinneqartarpoq.
  • Kollegiemi ikiaroornartumik/aanngajaarniutinik inerteqqutaasunik atuineq imaluunniit peqarneq (nakorsaatissatut naatsorsuutigineqarnerat eqqarsaatigissanngikkaanni) anisitaagasuarnermik kinguneqassaaq.
  • Sequtserineq tilliniarnerlu mianersoqqussumik allagarsinermik aammalu taarsigassinneqarnermik kinguneqartinneqartarpoq. Ajortuliornerli annertusimappat anisitaagasuarnermik kinguneqartinneqassaaq.
  • Immiaaqqanik viinninik imigassanillu allanik kimittuunik atuinerit ineqartunut allanut akornutaasanngillat.
  • Kolligie-ni aallaaseqarnissaq inerteqqutaavoq.
  • Kolligie-ni uumasuuteqarneq inerteqqutaavoq.
  • Ulluinnarni kolligie-ni nalunaaqutaq aqqanernut nipaarutereersimasassaaq.
  • Pulaartut siumoortumik isumaqatigiissutit malillugit kisimik unnuisinnaatitaapput.
  • Ineqartut tamarmik pisussaatitaapput ineqarnermut ataatsimmiisitsisoqalersillugu imaluunniit assigisaannik pisoqalersillugu peqataanissaq.

Kolligie-nut isertsernermi depositum 200 kr-ni akiliutigineqassaaq, aninermili ini qimataq eqqiarsimappat matuersaallu tunniunneqarsimappat amigaateqanngitsorlu qulakkeeraanni aatsaat 200kr.-nit utertinneqarsinnaajumaarlutik.

Malittarisassanik unioqqutitsisoqartillugu aalajangersimasumik iliuusissanik allassimasoqanngikkaangat unioqqutitsinerit oqaloqatigiinnikkut mianersorqqussutitut ingerlanneqartassapput, unioqqutitsinerilli mianersoqqussumik kinguneqareertut uteqqiasumik unioqqutitsisaqattaaraanni tamanna allakkatigut mianersoqqussummik tunineqarnermik kinguneqartarluni, tamannalu iluaqutaanngippat iliuusissaq kingulleq tassaalluni ilinniartumut anisitsineq.

Mianersoqqussutit anisitsinerillu piffissamik aalajangersimasumik killiliussinermik aalajangerneqarsinnaapput, aalajangernerillu naammagittaalliutigineqarsinnaapput uunga:

Kultureqarnermi, Ilinniartitaanermi Ilisimatusarnermullu Pisortaqarfik
Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.