Ilinniartut ilaasa pisariaqartissinnaasarpaat Inuilimut ilinniariartornerminnut atatillugu meerarisanik nassataqarnissaq. Procesteknikeritut ilinniagaqartut eqqarsaatigalugit, taakkuli ilaquttaminnik Narsamut nassartariaqartarnerat pissusissamisoorpoq taakkumi ilinniarnerat ukiunik 2-nik sivisussuseqarmat.

Inuilimut ilinniariartorniaruit piareersimaffigisariaqarpat ilinniakkerinissamut unnukkut sap.akunnerillu naanerini piffissaqartarnissaq. Aammattaaq ilinniagaqarneq imatut pilersaarusiorneqarsinnaasarpoq, unnukkut aaqqissuussinernut assigiinngitsunut peqataasinnaasariaqartarnissat.

Inuilimit aallaavigineqarpoq ilinniartut ilinniagaqarnermut tunngatillugu aaqqissuussinernut assigiinngitsunut peqataasariaqartarnissaat, taamaattumillu taamatut pisoqassatillugu ilinniartut meeraqarsimagunik taakkua allanit nakkutigineqarnissaat isumagitittassallugit.

Aningaasaqarniarneq tunngavigalugu pisut ataasiakkaat toqqammavigalugit Inuilimi ingerlatsisut aalajangiisinnaapput, ilumut meerarisat praktikkeriartornermi imaluunniit ilinniagaqartut angalaqatigiinneranni peqataasarsinnaanissaat. Tamatumanilu manna maluginiarneqassalluni:

  • Ilinniartitsisuusup pisortaasunut ilinniakkamut tunngatillugu naammaginartumik angusaqarsinnaanissamut naliliinera
  • Meerarisat ukiui isumagineqarnerallu
  • Aningaasaqarniarneq

Pisussani tamani ilinniartitsisup tunngavilersorluni pisortaasunut allakkatigut innersuussinini ingerlateqqissavaa. Pisortaasut Inuilip aningaasaqarniarneranut akisussaassuupput naggataatigullu aalajangiisinnaassuseqarlutik.

Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.