Ilinniartuunerpit annerpaartaani Inuili-miissaguit, taava Inuili-miit piumasarineqarumaarpoq namminersornerunermik takutitsinissat. Taassumali saniatigut periarfissinneqassaatit sunngiffimmi ilinniarnermulluunniit tunngassuteqartut soqutigisatit sammissallugit!!

Atuarfimmi branche-skole-nut tamanut ilisimasalinnik atorfinititsisoqarnikuuvoq, illit ilinniartuunerit tamaat siunnersuisinnaallutillu ikiuinissaminnut piareersimasut.

Inuilimi atuartitseriaaseq pisamut tulluussarluarlugu paasissutissiinermik ingerlanneqartarpoq, taamaasillunilu teori-mik atuakkersornermi nassuiaaneq ersarissumik timitaliinikkut takujuminarsarneqartarluni.

Atuakkersornermi sammisat amerlanerit projekt-itut ingerlanneqartarput, suliakkiinerillu taamaattut atuaqatitit peqatigalugit, nammineerlusi naammassiniartassallusigit. Taamaakkaluartorli ilinniartitsisuniit, atuakkanik atorniartarfinniit internet-miillu ikiortissarsarsiorsinnaavutit/si, naak aamma internet sunngiffimmi atorneqarsinnaanera ammasoq.

Atuarfimmut piguit inissinneqarumaarputit Inuili-p kolligie-taanut nutaaliaasunut, kolligie-llu tamarmik sinniisoqarput, taakkualu kolligiani malittarisassat Inuili-mi pisortaasut peqatigalugit aalajangersornikuuaat.

Atarfimmi ilinniartuunerpit sivisussusaa aammalu kolligie-ni ineqartut amerlassusaat aallaavigalugit tikeraartoqalaarsinnaanissannut periarfissinneqarumaarputit, tikeraartoqartarnerli sivisunerpaamik sap.akunneranik sivisunerpaaffilerneqarnikuuvoq.

Sunngiffinni assigiinngitsunik sammisassaqartinneqarputit soorlu: illoqarfiup timersortarfiani timersuutinut assigiinngitsunut peqataasinnaavutit, qaqqanut angalaarnerit (atuarfik tupiuteqarpoq aammalu atortut allat atorsinnaasatit) internet-ernissaq, sk

Iilinniartut timersuutinik sammisaqarnissaannik periarfissikkumallugit

Illoqarfiup timersortarfiani ulloq aalajangersimasoq Inuili-mit inniminnerneqarnikuuvoq, imaluunniit illit nammineq sammisassaqartitsiniarnernut siunnersuuteqarsinnaavutit.

Atuarfimmut tunngasunik sukumiinerusumik paasisaqarnerorusukkuit tikilluaqquneqarputit atuarfiup siunnersortaanut sianissaallutit uunga oqarasuaammut: 661313.

Ikinngutinnersumik inuulluaqqusilluta

Inuili.

Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.