Paasissutissat

Saaffiginnittarfinni takornarianillu kiffartuussiviini sullissisoq: 233511
Sivisussusaa: Ukiut: 2 ½.
Piumasaqaatit: 10. klasse imal. tassunga assingusoq + kalaallisut, qallunaatut matematik-kimilu E/02 karaktereqarsimanissaq. Imal. tamakkiisumik isiginnilluni nalilerneqarneq.
Oqaatsit: Qallunaatut
Ilinniarfimmi sungiusaatigalugu ilinniartuusinnaaneq: Periarfissaanngilaq.
Aningaasaqarneq: Ilinniartutut akissarsiat
Inersimasutut ilinniartuusinnaaneq: Periarfissaavoq
Ilinniarfissat: Inuili aamma Campus Kujalleq, Qaqortoq.

Saaffiginnittarfinni takornarianillu kiffartuussiviini sullissisup akunnittarfiit saaffiginnittarfiini takornarianillu kiffartuussiveqarfinni sullissisuusarput. Ilinniarfimmi ilinniassavat qanoq ilillutit kiffartuussassatit isumagissanerlugit, aqqutissiuutissallugu pineqartup arlaatigut siunertaqarluni sulinngiffeqarnerminiluunniit ilorrisimaarluni inissisimaffigisassaminiissinnaanissaa.

Akunnittarfinni suliassat pingaarnerit ilagivaat inisimasut inigisassaanut innersuussisarneq, pisariaqarfiatigullu assartorneqarnissamut, neriniartarfissarsiorneranni allatigullu sammisaqarniarneranni siunnersortarnissaat.

Takornarissanut kiffartuussivinni sulisuuguit takkuttut kiffartuuttassavatit, ilisimatillugillu sumi takusassarsiorfeqartoqarsinnaanersoq.

Saaffiginnittarfinni takornarianillu saaffiginnittarfinni sullissisoq kiffartuussisarneq tunngaviatigut kiffartuussisarnerit suliarisarpaat. Ilanngullugu ilinniarneqassapput naatsorsuuserisarneq nunallu allat aningaasaataanik naatsorsuisarneq, tassami takornariat nunagisaminnik aningaasaatitik nassarlugit akiliuteqarniartarmata.

Saaffiginnittarfinni takornarianillu kiffartuussisartutut inuit silarsuarmi assigiinngitsuneersut ikiortassavatit, taamaattumillu tuluttut oqalussinnaallutillu allassinnaasariaqarputit, aamma oqaatsit allat, soorlu tyskisut oqaatsit piginnaasaqarfiginissaat iluaqutaassalluni.

Takuss. 1-mi takuneqarsinnaavoq tunngaviatigut pingaarnertullu avinneqarsimasoq. Tunngaviatigut ilinniarneq Inuilimi sap.ak. 10-kkaartuni marloriarluni ingerlanneqartarpoq. Ilinniarnerup pingaarnersa aamma marloqiusanngorlugu aaqqitaq, tamatumani siulleq NI Qaqortumi sap.ak. 8-ni ingerlanneqartarpoq, tullialu Inuilimi sap.ak. 12-ni ingerlanneqartarluni.

Takuss. 1.

Ilinniarfinniinnerit

Ilinniarfinniilluni atuarnerit Inuilimi taavalu Qaqortumi Campus Kujallermi ingerlanneqassapput:

Inuilimi:

  • Tunng. 1: sap.ak. 10-t
  • Tunng. 2: sap.ak. 10-t

Campus Kujalleq, Qaqortumi:

  • Pingaarneq 1: sap.ak. 8-t

Inuilimi:

  • Pingaarneq 2: sap.ak. 12-t, ilanng. soraarummeernermi suliaq

Fagit

Ilinniarfimmi soorlu makkua atuartitsissutaasarput:

  • Tuniniaaneq kiffartuussinerlu
  • Takornarianik sullissisarneq
  • Kiffartuussineq tikeraanillu sullissineq
  • Nunatta kulturia oqaluttuarisaaneralu
  • Nunatsinni takornariaqarneq
  • Attaveqatigiinneq

Ilinniagassat ilagivaat tuluttoorneq, inuiaqatigiilerineq, isumannaallisaaneq psykologilu.

Ilinniarfimmi oqaatsit

Atuagassat danskisoortuupput, aammalu amerlanertigut danskisut atuartitsisoqartarluni.

Sungiusaatigalugu sulineq

Sungiusaatigalugu ilinniartuuninni suliassat ilinniakkamut tunngasut misilittaaffigissavatit. Suliffigisassat akuerisaasimassaaq. Ilinniarfinni sungiusaatigalugu sulinissamut periarfissaqartoqanngilaq.

Naamassinialeruit immikkut saqqummiussassamik (projekt) suliaqassaatit.

Tunngaviatigut ilinniartunngorniaruit, meeqqat atuarfiat naamassinikuusimasariaqarpat. Taamaassimassaaq soraarummeeruteqarlutit naamassisimagukku imaluunniit assingusumik tamatuma kingorna ilinniagaqarsimaguit.

Tunngaviatigut ilinniartunngussaguit piumasaqaatit

10. klassimiit assingusutigulluunniit soraarummeerninni kalaallisut, danskisut matimatikkimilu soraarummeernermi minnerpaamik agguaqatigiissillugu E/02 angunikuusimassavat.

Tamatuma saniatigut sungiusaatigalugu ilinniartuunissamut suliffeqarfimmik isumaqatigiissuteqarsi-maguit, ilinnialernissamut piumasaqaatit naamassisimassavatit.

Pingaarnermi ilinnialersinnaavutit

Pingaarnermi ilinnialernissamut aamma piumasaqaatitaqarpoq. Tassani ilinnialernissamut piumasa-qaataavoq tunngaviatigut ilinniarnerup aappaani immikkut projekt-itut suliaq naamassisimassagit, aammalu fagit ukua angusiffigisimassagitit:

  • Danskisut, E-niveau
  • Tuluttut, E-niveau.

Tunngaviatigut ilinniartuuninni – pingaarnerup aallartinnginnerani – periarfissaqassaatit makkunuuna allagartartaarnissamut:

  • Nerisassiornerni eqqiluisaarnissaq
  • Ikiueqqaarneq
  • Ikuallattuulernerni qamiterineq.

Ilinnialernissamut piumasaqaatit

Matumuna ilinniartuusimanerit iluaqutigalugu pisinnaasaqarfigilersimassavat:

  • Ulapaarfiusunittaaq aaqqissuussillaqqittuussaatit
  • Inunnik assigiinngitsunik amerlasuunillu oqaloqatiginnillaqqissuussaatit
  • Oqaatsit allattariarsornerillu atorlugit attaveqarsinnaassaatit
  • Allamiut oqaasiinnut piginnaasaqarluartuussaatit
  • Nammineerlutit allallu suleqatigalugit sulisinnaassaatit
  • Piffissani assigiinngitsuni sulisarnissat piareersimaffigissavat

Rec ilinnialerusukkuit ukioq kaajallugu qinnuteqaateqarsinnaavutit.

Ilinniarnernut atatillugu sungiusaatigalugu suliffissarsisimaguit, najugaqarfinni Majoriamut saaffiginnissaatit. Majoriap ilinniartutut isumaqatigiissusiorninni ikiussavaatit. Taanna illit ilinniarfissarpillu atsiussavarsi, atsiorneqareerpallu Inuilimut nassiunneqassalluni. Tamatuma kingorna atuariartornissamut aggersarneqarumaarputit.

Ukiup ingerlanerani qaqugukkulluunniit ilinniartunngorsinnaavutit.

30-nik ukioqalereersimaguit inersimasutut ilinniartunngorniarsinnaavutit.

Ilinniartitaaneq akeqanngilaq. Ilinniartup sungiusaatigalugu ilinniarfimmilu ilinniartuunermini ilinniartutut akissaateqassaatit. Ilinniartutut akissarsiassat sulisitsisussarpit soqutigisaqaqatigiiffippillu akor-nanni isumaqatigiissutigineqartarpoq.  Ineqarnernut akilitigisartagaqarsimaguit ilinniarfimmiinnerni taassumunnga akiliunneqartarnissat qinnuteqaatigisinnaavat. Ilinniartuunersiuteqarniarlutit qinnute-qaateqaruit, aamma meeqqamut tapisiaqarnissaq qinnuteqaatigisinnaavat. Ilinniarnernut tunngatillugu angalanerit, maleruagassat naapertorlugit akilerneqartassapput.

Ilinniarfimmiinnerni ineqarnermut nerisaqarnermullu akiliuteqartartussaavutit.

Saaffiginnittarninni takornarianillu sullissisutut nalinginnaasumik akunnittarfinni takornariallu kiffartuussiviini suliffissarsisinnaassaatit. Ilaat ullup ilaanaa sulisuusarput, aamma periarfissaqarputit unnukkut unnuakkullu sulisuusarnissamut.

Inuussutissarsiutitigut ilinniartitaanermi 1. august 2015-i sioqqullugu aallartissimassaguit:
1. august 2015-i sioqqullugu inuussutissarsiornermut ilinniartutut aallartitsisimaguit, ingerlariaqqilluni ilinnialernissamut tigusaanissamut piumasaqaatit allaanerupput.

Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.