Paasissutissat

Atorfik: Procesteknikeri. 341101
Sivisussusaa: Ukiut 2 – 3.
Piginnaasat: Aalisakkanut teknologi, Inuussutissanik misissuisartoq, Avatangiisinik minguitsuussutsimillu immikkut ilisimasalik.
Piumasaqaatit: 10. klasse imal. tassunga assingusoq + kalaallisut, qallunaatut matematik-kimilu E/02 karaktereqarsimanissaq. Suliamik ilinniagaqarsimaneq imaluunniit nerisassalerineq pillugu sulianik misilittagaqarneq imaluunniit ilinniarnertuutut ilinniarsimaneq. Tamakkiinerusumik isiginnilluni nalilerneqarneq.
Oqaatsit: Qallunaatut
Aningaasaqarneeq: Ilinniartuunersiutit
Ilinniarfissaq: Inuili

Suliassatit tassaapput tunisassiornermik piareersaasiorsinnaaneq aammalu aalisarnerup inuussutissalerinerullu iluani tunisassiassanik tunisassiallu pitsaassusaanik misissuisartuuneq.

Tamatuma saniatigut suliffigisami tunisassialiaanik suliaqarneq imaluunniit maskiinanik atorneqartunik misileraaneq. Procesteknikeri tassaasarpoq pisortatut pisortalluunniit akornanni suliffeqartuusartoq. Nalinginnaanerusumik immikkoortortami pisortatut, pitsaassutsinik nalilersuisartutut imaluunniit tunisassiornermi pisortatut sulisorineqartarluni. Sulinermi misilittakkat tassaapput aalisarnerup inuussutissalerinerullu iluani misilittagaqarneq, aalisakkerinermik ilinniagaqarneq il.il.

Periarfissanut ilaapput Namminersornerusuni imaluunniit aalisakkanik tunisassiorfinni, Pinngortitaleriffimmi imaluunniit inuussutissalerinermik suliffeqarfiusuni atorfinissinnaaneq. Assersuutigalugu tunisassiat pitsaasusaat pillugit nakkutilliisutut, ingerlatsinermik pisortatut, avatangiisit minguitsuunissaanik misissuinerni ilinniartitsisutulluunniit suliffeqarnissat periarfissaasarlutik. Aamma nunani allani taamatut pissuseqartuni atorfeqarnissamut periarfissaasinnaasarpoq.

Maluginiassavat sulisimanikkut misilittakkatit toqqammavigalugit ilinniarnertuutullu ilinniarsimaguit tamakku sivikillisaassutaasinnaammata.

Ukiut marluk naamassillugit unikkusussimaguit, kingorna procesteknikeritut immikkut ilisimasalittut ingerlariaqqissinnaajumaarputit.

Ilinniarfimmiittarnissat

Ilinniarfimmiittarnissat Inuilimi ingerlanneqartassapput.

Fagi

Inuilimi ilaatigut makkua ilinniassavatit:

  • Matematik
  • Fysik
  • Kemi
  • Uumassusilerineq
  • Qallunaatoorneq
  • Tuluttut
  • Qarasaasialerineq

Ilinniarnermi pingaarnermi aamma makku sammisassavatit:

  • Aalisakkerineq
  • Uumasuaqqat eqqiluitsuunerlu
  • Ingerlatsineq procesteknikkilu
  • Aningaasaqarneq
  • Pisortaaneq, suleqatigiinneq, suliff.avatangiisit
  • Kisitsisitigut takusassiisarneq
  • Maskiinanik ingerlatsineq
  • Aalisakkanik uumassusilerineq
  • Aalisariaatsit
  • Ikiueqqaarneq
  • Søsikkerhed
  • Imaani uumasut

Ilinniartitaaneq arlalinnut alloriarfissalerlugu ilusilersugaavoq, tamarmillu immikkut nalunaarusiornikkut naamassineqartussaallutik:

  • Inuk, nerisassat, uumasuaraararsiorneq, danskisut tuluttullu.
  • Imeq (kuuk, tatsit), danskisoorneq tuluttoornerlu
  • Imaq, danskisoorneq tuluttoornerlu
  • Aalisakkanik suliffissuaq, atuagarsorneq tigussaassumillu misissuineq
  • Tunisassialiassat
  • Ingerlaarfik immikkullu sammisaqarneq

Ilinniarfinni oqaatsit

Ilinniarnermi atuagassat danskisuujunerusuupput, aamma danskisut atuartinneqarnerusassaatit, tamatuma saniatigut aamma tuluttut ilinniartinneqartassaatit.

Sungiusaatigalugu sulineq

Sungiusaatigalugu ilinniarnissat 3-upput. Tamatumani aalisakkanik suliffissuaq, kilisaat tunisassiorfik, inuussutissaleriffik allak Pinngortitaleriffillu sungiusaatigalugu suliffigineqarsinnaallutik.

Tunngaviatigut ilinniartunngorniaruit, meeqqat atuarfiat naamassinikuusimasariaqarpat. Taamaassimassaaq soraarummeeruteqarlutit naamassisimagukku imaluunniit assingusumik tamatuma kingorna ilinniagaqarsimaguit.

Tigusaanissamut piumasaqaatit

Piumasaqaatit makku naamassisimassavatit:

  • 10. klasse assingusorluunnit + kalaallisut, danskisut, tuluttut matematikkimilu karakterit minn. E/02.
  • Inuussutissalerinermik suliffeqarneq misilittagaqarfigeriissavat.
  • Inuussutissalerinerup iluani ukiut arlallit sulisooreersimassaatit.
  • Ilinniarnertuutut imaluunniit tamatumunnga assingusumik ilinniagaqariissaatit.
  • Danskisut oqalussinnaallutillu allattariarsorsinnaasariaqarputit, ilinniartitaaneq danskisut ingerlanneqarnerummat.

Misilittakkat

Piffissami sivisuumi imaluunniit ilinniarnertuutut naamassereersimaguit tamanna ilinniarnermut sivikillisaataasinnaavoq.

Tigusaanissamut piumasaqaatit.

Matumani ilinniartuuniaruit pingaaruteqarpoq:

  • Nammineersinnaassuseqarnissat akisussaaffimmillu tiguserusussuseqartuunissat
  • Ingerlatsineq, suleqatinik peqataatitsineq suleqatikkuminartuunerlu
  • Naak ulapaaraluarlutit suliassanik isumaginnillaqqittuuneq
  • Pitsaassutsimik ipiitsuunissamillu pingaartitsineq
  • Uummaarissoq tamatigoortorlu.
1. marsi nallertinnagu qinnuteqarsimassaatit.

Ilinniartitaaneq naatsunnguuvoq, ilinniarfittut ingerlaqqiffiuvoq akeqaranilu. Ilinniartuunersiuteqarnissamut qinnuteqaateqarsinnaavutit. Ilinniarnermi angalanissanut aningaasartuutit maleruaqqusat naapertorlugit akilerneqartassapput.

Inuili ilinniartunut kantiinatalimmik inissiaateqarpoq. Ilinniartut inaani ineqarniaruit kantiinalu atortalerlugu, tamatumunnga maleruagassat naapertorlugit ineqarnermut nerisaqarnermullu akiliuteqartassaatit.

Procesteknikerit aalisakkanik suliffissuarni, Pinngortitaleriffimmi, Inuussutissanut Aqutsisoqarfimmi imaluunnit Aalisarnermut, Piniarnermut Nunaateqarnermullu Naalakkersuisoqarfimmi sulisuusinnaasarput.

Suliassat pillugit

Procesteknikerit ilaat allaffissornikkut suliaqartuusartut, soorlu nalunaarsuisuullutik, suleqatinut aqutsisutut il.il. Aamma siunnersuisutut, ilinniartitsisutut imaluunniit avammut tuniniaanerni il.il. sulisuusinnaasarlutik.

Siunnersuisarnerni procesteknikerit inuussutissarsiornermut ingerlatsivinni tunisassiornerni siunnersortitut, aningaasarsiornermi pikkorissaasarnernilu aqutsisutut suliffeqarsinnaasarput. Soorlu inussutissarsiornermut ilinniarfinni ilinniartitsisutut sulisorineqarsinnaasarlutik. 

Aalisariutiniit aalisakkanik pisiniartartutut sulisuusinnaaput. Allat aalisarnermi nakkutilliisuusinnaasarput, allalli aamma aalisakkanik perortitsivinni assistentitut, aqutsisutut, ikiortitut, siunnersortitut, ilinniartitsisutut il.il. atorfeqarsinnaasarlutik.

Procesteknikerit aamma aalisarnermut immikkut ilisimaarinnittutut sulisuusinnaapput. Soorlu tunisassiornermi aalisakkanik il.il. taakkulu kinguaasiortarnerinik misissuisartutut suliaqartuusinnaasarlutik.


Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.