Paasissutissat

Receptionisti: 222031
Sivisussusaa: Ukiut 2-t qaamm. 4-t.
Piumasaqaatit: 10. klasse imal. tassunga assingusoq + kalaallisut, qallunaatut matematik-kimilu E/02 karaktereqarsimanissaq. Imal. tamakkiisumik isiginnilluni nalilerneqarneq.
Oqaatsit: Qallunaatut
Ilinniarfimmi sungiusaatigalugu ilinniartuusinnaaneq: Periarfissaanngilaq.
Aningaasaqarneq: Ilinniartutut akissarsiat
Inersimasutut ilinniartuusinnaaneq: Periarfissaavoq
Ilinniarfissat: Inuili aamma TechCollege Aalborg.

Saaffiginnittarfinni sulisoq akunnittarfinni imaluunniit isumasioqatigiiffiusartuni saaffiginnittarfinni sulisuusarpoq. Ilinniarfimmi ilinniartarpai takkuttunik ilorrisimaarlutik tassaniinnissaat siunertaralugu ikiorsiisarneq.

Akunnittarfiit saaffiginnittarfiini suliassat pingaarnerit ilagisarpaat inisimasussanik inissiisarneq aammalu inigisassaanut innersuussisarneq, taamatullu taakkua assartorneqarnissamut, neriniar-tarfeqarnikkut periarfissaanik il.il. ilitsersuinikkut ikiorsiisarneq.

Isumasioqatigiissitsisarfinni sulisuuguit isumagisassarivat isumasioqatigiissitsiniarlutik inniminniisimasut atortussaanik ikiorsiissutissaanillu piareersaasiorneq.

Receptionistitut ilinniakkatigut tunngaviatigut ilinniarneqartarput saaffiginnittunik kiffartuussineq. Aamma naatsorsuusserineq, allamiut aningaasaataanik naatsorsuisinnaaneq il.il. ilinniarneqartarlutik, kiffartuusassammi amerlasuut takornariaasarmata.

Inuit silarsuarmi suminngaanneersuunerat apeqqutaatinnagit kiffartuuneqartarput, taamaattumillu tuluttut oqalussinnaallutillu allattariarsorsinnaasariaqarputit, aamma oqaatsit allat ilisimasaqarfiginissaat, soorlu tyskisut, ajoqutiginavianngilluinnarpat.

Takuss. 1-mi takusinnaavat ilinniagaq marloqiusanngorlugu immikkoortortaqartoq, tunngaviatigut pingaarnermilu ilinniarneq, akornatigut suliffinni sulillattaajutigaluni. Tunngaviatigut ilinniarneq Inuilimi ingerlanneqartarpoq, sap.ak. 10-t marloriarlugit. Ilinniarnermi pingaarneq aamma marloqiusanngorlugu avitaavoq, taannalu TechCollege Aalborg-imi ingerlanneqartarluni.

Takuss. 1.

Ilinniarfinni atuarnerit

Ilinniarfinniinnissat Inuilimi TechCollege Aalborgimi ingerlanneqartussaassapput:

Inuilimi:

  • Tunng. 1: sap.ak.10-t
  • Tunng. 2: sap.ak.10-t

TechCollege Aalborgimi:

  • Ilinn.pingaarneq 1: sap.ak. 10-t
  • Ilinn.pingaarneq 2: sap.ak. 10-t + nagg.misilitsinneq

Fagit

Ilinniarfimmi ilaatigut makku ilinniassavatit:

  • Isumasioqatigiissitsineq
  • Saaffiginnittarfinni teknikki
  • Tuniniaaneq kiffartuussinerlu
  • Takornarialerineq
  • Tikeraanik kiffartuussineq

Tuluttut, inuiaqatigiilerineq psykologilu aamma ilinniarfigissavatit.

Ilinniarfinni oqaatsit

Ilinniarfinni atuakkat danskisuujunerupput, aammalu danskisut atuartinneqarnerusassallutit. Piareersimaffigiuk soraarummeernermi suliasst danskisut saqqummiunneqartussaassammata.

Sungiusaatigalugu sulineq

Sungiusaatigalugu ilinniartuuninni suliassat ilinniakkamut tunngasut misilittaaffigissavatit. Suliffigisassat akuerisaasimassaaq. Ilinniarfinni sungiusaatigalugu sulinissamut periarfissaqartoqanngilaq.

Ilinniarnerit naamassilerukku ”svendeprøveqassaatit”.

Tunngaviatigut ilinniartunngorniaruit, meeqqat atuarfiat naamassinikuusimasariaqarpat. Taamaassimassaaq soraarummeeruteqarlutit naamassisimagukku imaluunniit assingusumik tamatuma kingorna ilinniagaqarsimaguit.

Tunngaviatigut ilinniartunngussaguit piumasaqaatit

  1. klassimiit assingusutigulluunniit soraarummeerninni kalaallisut, danskisut matimatikkimilu soraarummeernermi minnerpaamik agguaqatigiissillugu E/02 angunikuusimassavat.

Tamatuma saniatigut sungiusaatigalugu ilinniartuunissamut suliffeqarfimmik isumaqatigiissuteqarsi-maguit, ilinnialernissamut piumasaqaatit naamassisimassavatit.

Pingaarnermi ilinnialersinnaavutit

Pingaarnermi ilinnialernissamut aamma piumasaqaatitaqarpoq. Tassani ilinnialernissamut piumasaqaataavoq tunngaviatigut ilinniarnerup aappaani immikkut projekt-itut suliaq naamassisimassagit, aammalu fagit ukua angusiffigisimassagitit:

  • Danskisut, E-niveau
  • Tuluttut, E-niveau.

Tunngaviatigut ilinniartuuninni – pingaarnerup aallartinnginnerani – periarfissaqassaatit makkunuuna allagartartaarnissamut:

  • Nerisassiornerni eqqiluisaarnissaq
  • Ikiueqqaarneq
  • Ikuallattuulernerni qamiterineq.

Peqataanissamut piumasaqaatit

Matumuna ilinniartuusimanerit iluaqutigalugu pisinnaasaqarfigilersimassavat:

  • Ulapaarfiusunittaaq aaqqissuussillaqqittuussaatit
  • Inunnik assigiinngitsunik amerlasuunillu oqaloqatiginnillaqqissuussaatit
  • Oqaatsit allattariarsornerillu atorlugit attaveqarsinnaassaatit
  • Allamiut oqaasiinnut piginnaasaqarluartuussaatit
  • Nammineerlutit allallu suleqatigalugit sulisinnaassaatit
  • Piffissani assigiinngitsuni sulisarnissat piareersimaffigissavat

Ilinnialerusukkuit ukioq kaajallugu qinnuteqaateqarsinnaavutit.

Ilinniarnernut atatillugu sungiusaatigalugu suliffissarsisimaguit, najugaqarfinni Majoriamut saaffiginnissaatit. Majoriap ilinniartutut isumaqatigiissusiorninni ikiussavaatit. Taanna illit ilinniarfissarpillu atsiussavarsi, atsiorneqareerpallu Inuilimut nassiunneqassalluni. Tamatuma kingorna atuariartornissamut aggersarneqarumaarputit.

Ukiup ingerlanerani qaqugukkulluunniit ilinniartunngorsinnaavutit.

30-nik ukioqalereersimaguit inersimasutut ilinniartunngorniarsinnaavutit.

Ilinniartitaaneq akeqanngilaq. Ilinniartup sungiusaatigalugu ilinniarfimmilu ilinniartuunermini ilinniartutut akissaateqassaatit. Ilinniartutut akissarsiassat sulisitsisussarpit soqutigisaqaqatigiiffippillu akor-nanni isumaqatigiissutigineqartarpoq.  Ineqarnernut akilitigisartagaqarsimaguit ilinniarfimmiinnerni taassumunnga akiliunneqartarnissat qinnuteqaatigisinnaavat. Ilinniartuunersiuteqarniarlutit qinnute-qaateqaruit, aamma meeqqamut tapisiaqarnissaq qinnuteqaatigisinnaavat. Ilinniarnernut tunngatillugu angalanerit, maleruagassat naapertorlugit akilerneqartassapput.

Ilinniarfimmiinnerni ineqarnermut nerisaqarnermullu akiliuteqartartussaavutit.

Saaffiginnittarninni sulisutut nalinginnaasumik akunnittarfinni isumasioqatigiissitsisarfinnilu suliffissarsisinnaassaatit. Ilaat ullup ilaanaa sulisuusarput, aamma periarfissaqarputit unnukkut unnuakkullu sulisuusarnissamut.

Inuussutissarsiutitigut ilinniartitaanermi 1. august 2015-i sioqqullugu aallartissimassaguit:
1. august 2015-i sioqqullugu inuussutissarsiornermut ilinniartutut aallartitsisimaguit, ingerlariaqqilluni ilinnialernissamut tigusaanissamut piumasaqaatit allaanerupput.

Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.