Imarisaa

VFGM-p INUILI suleqatigalugu pikkorissartitsinissamut atortussiorsimavoq, pikkorissartitsinermi tunngaviusumik tunisassiortut eqqiluisaarnermik tunngaviusumillu nammineerluni nakkutilliinissamik pisariaqartunik ilisimasaqalersitsinneqassapput, tamatumani inuussutissarsiornertik nalinginnaasumik ingerlassinnaanngussavaat, taamaalillutillu inuussutissalerinermi isumannaatsuunissamik piumasaqaatit malinneqarsinnaassallutik.

Sullinniagaapput aalisartut piniartullu, inuussutissarsiutigalugu aalisartuusut, uumasunik nunamiunik imarmiunillu piniartuusut.

Pikkorissarnermi makku sammineqassapput:
  • Paasissutissiineq
  • Inatsisit. Nerisassanik tunisassiornermi oqartussaasut
  • Nassuiaatit. Tunngaviusunik tunisassiorneq, inuussutissat katitigaanerat
  • Nerisassanik isumannaatsuutitsineq.
  • Nammineerluni nakkutilliineq, nerisassiassanik qularnaatsunik tunisassiornermut sakkussatut.
  • Nammineerluni nakkutilliinerup immikkoortui:
    • Tunngaviusumik aaqqeqqaagassat
    • Suliassat ingerlaarneri pitsaasut
    • Atuisumut navianaatit
  • Eqqiluisaarnermi taaguutit nalinginnaasut: eqqiaaneq, bakteeriaajaaneq,
  • Assaat asanneqartarnerat periuseq pingaarutilik
  • Aalisarnermi piniarnermilu periutsit atorneqartartut
  • Atortussiat nerisassiassanik attuisartut
  • Suliffeqarfinnit tunngaviusumik tigooraasartut sinniisuinik ataatsimooqateqarneq.

Pikkorissarneq misilitsinnermik naggaserneqassaaq, apeqqutinit 15-nit akisassat.

Sivisussusaa

Pikkorissartitsineq nal. akunnerinik 12-nik sivisussuseqarpoq.

Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.