Praktikkerfissatut akuerineqassagaani sulisorisat pillugit piumasaqaatit:

Pisortat suliffeqarfiutaani suliffeqarfimmiluunniit allami praktikkerfissatut akuerineqassaguni ileqquuvoq minnerpaamik ilinniagaqartup naamassiniagaanik ilinniagaqarsimasumik tassanngaanniilluunniit qaffasinnerusumik ilinniagaqarsimasumik sulisoqareersimanissaa.

Immikkut akuersissuteqarneq

Immikkut ittumik ilinniakkanut ataasiakkaanut tunngatillugu piumasaqaatit qulaani taaneqartut pillugit immikkut akuersissuteqartoqarsinnaavoq. Tamatumani pineqarlutik:

  • Nerisassiornermik ikiortitut ilinniagaqartunut taavalu
  • Cater- aamma kantineassistentitut ilinniagaqartunut.

Immikkut akuersissuteqarnerit pisinnaapput:

Suliffeqarfiup iggaviani suliamik ilinniagaqarsimanngitsumik sulisoqarsimappat immikkut akuerineqaqqullugu qinnuteqartoqarsinnaavoq, imaasimappat sulisorineqartup fag-imik pineqartumi misilittakkatigut angusimasai naamaginartuusorineqartut.

Piumasaqaatit:

Taamatut akuersissuteqartoqarsinnaavoq akuerineqarpat Inuili pisinnaatitaassasoq, sungiusaatigalugu suliffimmik annertusisamik misissuisinnaanissaa pisarsinnaassasoq. Tamannali nalinginnaasumik atuagarsuutigalugu ilinniarnerup nalaani ilaatigut pisinnaalluni.

Akuersissuteqarnerit ilinniartunut ataasiakkaanut tunngassuteqartassapput, taamaattumillu immikkut ittumik akuersissutit ataavartuussanatik.

Tunngavilersuut.

Fag-it assigiinngitsut Inuilip ilinniartitsissutigisartagaanut tunngatillugu ingerlatsiviusuni, suliffeqarfeqarpoq ilinniartuuteqarususuttunik ajoraluartumilli sulisoqarnikkut piumasaqaatinik naamassinnissinnaanngitsunik. Taamaakkaluartoq suliffeqarfiup iggaviani sulisuusut annertuumik misilittagaqartuusinnaapput, taakkuli Inuilimit suleqatigineqarnerisigut periarfissiisoqarsinnaasoq ilinniagaqarusuttup ilinniagaqarnerminik aallartitsisinnaanissaanik.

Atuutilersinneqarpoq, oktober 2018.

Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.